موعيد Ds160
الحصول على فيزا سياحة للولايات المتحدة الأمريكية
هي مثل التأشيرات الاخرى كشنغن من حيث الوثائق إلا التأمين وحجز الطائرة مكيطلبوهمش ، الفرق الوحيد هو المقابلة اللي كتكون مهمة وحاسمة يوم الموعد، كيسولوك بعض الاسئلة غادي نقولها ليكم من بعد،
بالنسبة الاجراءات لطلب الفيزا سهلة وعادية وتقدر ديرها غير بوحدك بلا وسيط اللي يقدر يخطأ ليك في المعلومات ديالك
فالمرحلة الاولى يجب ملئ إستمارة DS160 عبر الموقع الرسمي هنا موقع املاء الاستمارة هاد الاستمارة خاصكوم تملأوها بوحدكم لانه غتجوبو على جميع الأسئلة اللي فيها والاجوبة تكون صحيحة لان يوم المقابلة غادي اسولوكم على الأسئلة اللي جوبتو عليها من قبل ف ds160 من بعد متملأوها واتسخرجوها حتفظو بها لانه غادي تحتاجو للمرجع ديالها وخاصكوم تجيبوها معاكم نهار المقابلة. واثناء ملئ الاستمارة لابد من وضع حجز فندقي يستحسن ان يكون فنيويورك او بوسطن.
المرحلة الثانية: يجب التسجيل في الموقع الرسمي
بانشاء حساب جديد "nouvel utilisateur" لاستخراج "code cgi" وادخال جميع المعلومات المتعلقة بك وادخال مرجع استمارة ds160 من بعد ادخال جميع المعلومات في االاخير غتحصلو على مرجع CGI استخرجوه بالة طباعة ، هاد المرجع هو باش غادي تخلصو 1560dh في جميع وكالات بنك الشعبي من بعد الساعة 11 صباحا،
المرحلة الثالثة: منين كتخلصو 1560dh كتخدو الوصل اللي عطاوكم في البنك الشعبي وتسناو 48 ساعة ،وكتعاودو دخلو للموقع
بالحساب اللي ستعملتوه من قبل بالرمز السري ديالكم، وكدخلو المرجع اللي في التوصيل ديال البنك الشعبي من بعد كيتحلو المواعيد واختارو الموعد اللي غادي اناسبكم فالبنسبة المواعيد موجودة ومتوفوة عكس فيزا شنغن يجب استخراج ايضا ورقة تأكيد الموعد وتكون معكم يوم المقابلة.
المرحلة الرابعة: يوم موعد المقابلة تجيبو معاكم مرجع استمارة ds160 وجواز السفر وتاكيد الموعد وتوصيل بنك الشعبي و2 تصاور، زائد الوثائق اللي كيطلبوها فتأشيرة شنغن إلا التأمين وحجز الطائرة. يوم المقابلة من الاحسن تختارو اللغة العربية للحوار راهم وخا امريكيين كيتقنو العربية وكيسولوك أول سؤال علاش بغيتي تمشي للولايات المتحدة الأمريكية وكدلك كيسولوك فاش خدام، واش متزوج، واش فايت ليك زرتي امريكا، واش فايت ليك زرت بلد اخر خارج المغرب،علاش بالضبط بغيتي تزور امريكا. خاصك تجاوب بكل صدق لأنهم كيديرو عليك بحث من قبل . بالنسبة للوثائق اللي جبتيهم معاك اقدر اطلبهم منك اقدر ميطلبهمش كاع. يكفي اشوف غير الباسبور ديالك الى خرجتي بزاف من المغرب وعندك فيزا كندا وشنغن فكتكون الحضوظ اكثر للحصول على الفيزا . فمن كيسولوك على جميع الأسئلة ففالبلاصة اقول ليك إما فيزا مقبولة ومن بعد اسبوع تقدر تاخد الباسبور ديالك من وكالة ارامكس او اقول ليك فيزا مرفوضة ويرجع ليك الباسبور.
فالبنسبة لي مطلبت من عندي حتى ورقة شافت غير الباسبور والفيزات لي عندي كندا وشنغن وقالت لي فيزا مقبولة، فكيركزو بزاف على المقابلة وكفاش كتهضر .
بالنسبة للرحلات الجوية الاثمنة ديما مرتفعة ولرام لي محتكرة الخط من الدار البيضاء الى نيويورك وزادو خطوط جديدة الى بوسطن وواشنطن وميامي ثلاثة ايام في الاسبوع وكاينين رحلات رخيصة تتوصل حتى 3000 درهم دهابا وايابا من اوروبا.
تعليقات
إرسال تعليق